2020: Vigili del Fuoco (Bomberos)

 

Motivu conmemorativu: Corpo Nazionale dei Vigili del Fuoco 

Volume d’emisión: 3.000.000         Fecha d’emisión: 1^er trimestre

     El Corpo Nazionale dei Vigili del Fuoco (CNVVF) pa nos, bomberos, ye un cuerpu de seguridá y emerxencia civil dependiente del Ministeriu del Interior de la República d’Italia. Conformose’l 27 febreru de 1939 col nome inicial de Pompiere, camudando depués al d’anguañu, que yera emplegáu solo en Roma. El proyeutu de xuntanza de los dixebros Cuerpos de Bomberos italianos surdió tres el terremotu de Calabria y Sicilia de 1908; presentáronse ellí una triba dotaciones de delles ciudades italianes y alcontráronse col problema de que ca ún llevaba’l so equipu de llabor y que solíen ser incompatibles colos de los otros. El Gobiernu decidió entós xunilos toos baxo’l mandu únicu del Ministeriu del Interior y garantizar asina un serviciu adecuáu a tola población italiana.

 

     Nel intre la moneda aparez el logu del Cuerpu de Bomberos llindiáu pol so nome oficial CORPO NAZIONALE DEI VIGILI DEL FUOCO. A manzorga l’identificativu del país emisor RI y a mandrecha l’añu acuñación cola marca de la ceca R. Baxo’l diseñu, la marca de la diseñadora Luciana de Simoni LDS.

     Nel aniellu esterior, les doce estrelles de la Xunión europea.

     Fonte:  Numismático visual (castellán)