2020: Monte de les Cruces

 

Semeya: collectorcoins

Motivu conmemorativu: Monte de les Cruces 

Volume d’emisión: 500.000         Fecha d’emisión: 4 payares

 

     El Monte les Cruces (en lituanu: Kryziu Kalnas), ye un santuariu católicu asitiáu a 12 kilómetros de la ciudá de Šiauliai, na carretera que va de Kaliningráu a Riga. Nun se sabe mui bien l’orixe y el por qué d’esta tradición, dellos cuenten que foi’l mou de cristianizar un tarrén sagráu de los precristianos lituanos (Lituania  cristianizose pel sieglu XIV) otros dicen que la primer cruz púnxose pel sieglu XIX pa recordar a los represaliaos pol réxime zarista de Rusia y que continuó nel período soviéticu (éstos esbarrubáronles delles vegaes, pero les cruces tornaben de nuevu misteriosamente). Ya nun se sabe nin cuántes hai, pero pasen de les 100.000. Per otru lláu, el llabor de facer cruces en Lituania a mou artesanal ta catalogao como Patrimoniu Cultural Inmaterial pola UNESCO.

 

     Nel intre aparez un piñu cruces de forxa y maera. Riba, el nome del país emisor LIETUVA y l’añu emisión 2020; baxo, la lleenda KRYZIU KALNAS y la marca de la ceca. El diseñu ye de Rytas Jonas Belevičius.

     Nel aniellu esterior, les doce estrelles de la Xunión europea.

     Fontes: Wikipedia: Colina de las Cruces (castellán)

                   Diariu oficial de la XE, a traviés d’Eurocoinland (castellán)

                   Numismática visual (castellán)