2020: Universidá de Turku

 

Semeya: coindatabase

Motivu conmemorativu: Centenariu de la Universidá de Turku 

Volume d’emisión: 800.000         Fecha d’emisión: 18 d’agostu

     La Universidá de Turku (en finés Turun yliopisto; abreviatura TY), foi fundada en 1920, magar que la ciudá de Turku tién una llarga historia académica. En 1640 Finlandia yera parte de Suecia y la reina Cristina fexo fundar en Turku la tercer universidá del reinu y la primera de Finlandia. Tres un gran incendiu en 1827, foi trasladada a Helsinki, onde sigue furrulando como Universidá de Helsinki y siendo la única del país tres la so independencia en 1917, y col suecu como llingua vehicular. En 1920 naz la nueva Universidá de Turku gracias al puxu d’intelectuales de fala finesa y el sofitu popular.

  

     Nel intre la moneda aparez una especie d’entellazáu llinial que, según el so diseñador, l’arquiteutu Petri Neuvonen, quier representar la interacción ente la universidá y la sociedá. A mandrecha aparez la marca del país emisor Fi y la marca de la ceca de Vantaa. Riba’l diseñu vese l’añu d’acuñación 2020.

     Nel aniellu esterior, les doce estrelles de la Xunión europea.

     Fonte: Numismatica visual (castellán)

                 Wikipedia: Universidad deTurku (castellán)

                 Diariu Oficial de la Xunión europea a traviés d’eurocoinland (castellán)