2020: Sufraxu femenín

 

Semeya: Numismática visual

Motivu conmemorativu: 50 Aniversariu del Sufraxu Universal Femenín n’Andorra 

Volume d’emisión: 60.000         Fecha d’emisión: 4^u trimestre

 

     El 18 mayu de 1967 un grupu muyeres fixeron un apellidamientu pa la robla d’una súplica pa entrega-yla llueu al Consell General pa que’l parllamentu -yos otorgare’l drecho a votu, asina como’l drechu a ser escoyíes. Consiguieron un total de 378 robles de muyeres mayores de 25 años, esto ye, con drechu a roblar. Dos años depués, el Consell General reconoz el so drechu a poder votar n’igualdá que los homes, pero non a ser escoyíes. La primer votación por sufraxu universal n’Andorra dase’l 14 d’avientu de 1971, pero nun sedrá hasta 1973 cuando les muyeres algamen el so drechu a ser escoyíes.

     Nel intre la moneda aparez una tiesta femenina de la que salen unes ondes a mou de guedeyes; n’elles aparecen una triba de nomes femeninos en catalán. Alredor del diseñu, la lleenda 50 ANYS DEL SUFRAGI UNIVERSAL FEMENI col nome del país emisor y los años de la efeméride ANDORRA 1970-2020 (esti últimu ye tamién el d’emisión). La moneda foi acuñada pola FNMT.

     Nel aniellu esterior, les doce estrelles de la Xunión europea.

     Fonte: Numismática visual (castellán)