2020: Serie Patrimoniu de la Humanidá. Aragón

 

Semeya: colectorcoins

Motivu conmemorativu: Arquiteutura mudéxar d’Aragón 

Tirada: 4.000.000              Fecha d’emisión: 1^u de febreru

 

     L’arquiteutura mudéxar aragonesa ye una corriente estética dientro del arte mudéxar que tien el so centru n'Aragón y que foi reconocida en dellos edificios representativos como Patrimoniu de la Humanidá pola UNESCO.

     La cronoloxía del mudéxar aragonés ocupa del sieglu XII al sieglu XVII ya inclúi más d'un centenar de monumentos arquiteutónicos asitiaos, predominantemente, nos valles del Ebro, Ḥalón y Ḥiloca, onde foi numberosa la población de mudéxares y moriscos, que caltuvieron los sos talleres y tradiciones artesanales, y arraleció la piedra como material constructivu.

     Les primeres manifestaciones del mudéxar aragonés tienen dos oríxenes: una arquiteutura palaciega venceyada a la monarquía, que reforma y amplía el Palaciu de la Aljafería calteniendo la tradición ornamental islámica y alarifes musulmanes y una arquiteutura popular qu'enllaza col románicu que dexa de construyir n'apareyu de sillería y empieza a ellaborar les sos construcciones en lladriyu dispuestu en munches ocasiones en traceríes ornamentales de raigón hispanomusulmana.

     Nel intre la moneda aparez la torre de El Salvador de Teruel. A mou diadema, la lleenda ARQUITECTURA MUDÉJAR DE ARAGÓN. A manzorga, el nome del país emisor ESPAÑA, y a mandrcha l’añu d’acuñación 2020 y la marca de la ceca.

     Nel aniellu esterior les doce estrelles de la Xunión Europea.

     Fonte: Wikipedia: L’arte arquiteutónicu mudéxar d’Aragón

                  Diariu Oficial de la XE a traviés d’Eurocoin