2020: Adhesión d’Eslovaquia a la OCDE

Motivu conmemorativu: 20 Aniversariu de l’Adhesión d’Eslovaquia a la OCDE

Volume d’emisión: 1.000.000         Fecha d’emisión: Payares

 

     El 14 d’avientu del 2000 Eslovaquia entra na OCDE (Organización pa la Cooperación y el Desarrollu Económicu), organización internacional y de calter intergubernamental cuyu orixe ta na OECE (Organización Europea de Cooperación Económica). La OECD nació en 1948 y nun ye otra cosa que l’organismu creáu n’Europa pa xestionar les perres apurríes polos americanos y canadienses pa la reconstrucción del continente tres la II Guerra Mundial, el perconocíu Plan Marshall. L’ésitu del plan y la idea d’espardelu a nivel mundial, fexo que toos estos países aconceyaren y formaren la OCDE el 14 payares de 1960, anque la so nacencia oficial márcase’l 30 setiembre de 1961 con sée en París.

     Nel intre la moneda aparez un cerebru humanu compuestu de pistes letróniques y un micruprocesaor nel centru. Al so llau aparez la lleenda 20 VÝROČIE VSTUP SR DO OECD col nome del país emisor SLOVENSKO y l’añu d’acuñación 2020. A mandrecha vese l’escudu nacional, y a manzorga la marca del diseñador Peter Valach y la marca de la ceca.

     Nel aniellu esterior, les doce estrelles de la Xunión europea.

 

     

 Veintiocho obres de doce autores distintos foron presentaes al concursu. A la final llegaron otros dos diseños obra de los artistes Patrik Kovačovský (izquierda) y Roman Lugár (drecha):

 

 

     Fontes: Numismática visual (castellán)