2019: Fernão de Magalhães

 

Semeya: collectorcoin

Motivu conmemorativu: V Centenariu de la circunnavegación dirxida por Fernão de Magalhães 

Tirada: 750.000           Fecha d’emisión: 8 mayu

     Fernão de Magalhães, Fernando de Magallanes pa nos (1480-1521) esplorador, militar y mariñán portugués d’orixe noble. La so rellumante carrera entamó, como non, al serviciu del reinu de Portugal, algamando ya ellí un gran renome ente los sos paisanos. Cayó en desgracia tres unes supuestes acusaciones de comerciu illegal, lo que fexo que colare pa Castiella y se punxere al serviciu de Carlos I al promete-y una ruta alternativa hasta les islles de les especies (les Islles Moluques) ensin pasar por tarrén conquistao polos portugueses. Con esta idega entamó lo que pasaría a ser ún de los mayores fechos de la histora: la primer circunnavegación del mundu. Magallanes morriera nuna griesca con habitantes de les güei conocíes como Islles Filipines, pero dexó bien perfiláu’l camín hasta l’oxetivu final de les Moluques. Anguañu, el pasu pel sur d’América que xune l’Océanu Atlánticu y el Pacíficu, que tanto-y costare pasar a la espedición, lleva’l nome d’Estrechu de Magallanes.

     Nel intre la moneda aparez la faz del descubridor portugués. Alredor, la lleenda CIRCUM NAVEGAÇÃO 1519 FERNÃO DE MAGALHÃES en dos llínies y separtao por un globu  terráquiu, el nome del país emisor y l’añu emisión PORTUGAL 2019. Fínase la llende cola marca de la ceca y el nome del diseñador INCM-L.F. ABREU (Luís Filipe Abreu).

     Nel aniellu esterior les doce estrelles de la Xunión Europea.

     Fontes: Wikipedia. Fernão de Magalhães

                   Numismática visual (castellán)

                   Diariu Oficial de la Xunióneuropea a traviés d’Eurocoin (castellán)