2019: Astérix

Motivu conmemorativu: 60 Aniversariu d’Astérix

Volume d’emisión: 310.000         Fecha d’emisión: 7 xunu

     El 29 d’ochobre de 1959 salía la primer publicación d’una tira cómica d’Astérix na revista francesa Pilote. El guionista René Goscinny y el debuxante Albert Uderzo foron los “pas” d’esti simpáticu galu y los sos collacios (el so inseparable compañeru Obelix, ya Idefix, el perrín que llora si arranques un carbayu delantre’l so focicu) y vecinos. El galu más internacional, ye tornáu a más de 20 idiomes, tantu los oficiales d’un estáu (Inglés, francés, español..) como a llingües minoritaries (catalán, asturiano…) asina como a otres llingües inusuales pa nos (llatín, esperantu…). Nun hai un res que camentar sobre les aventures d’esti personaxe, creo que tou’l mundiu conozles de sobra y si non, algama dalgún na biblioteca y que te preste.

     Nel intre la moneda aparez el bustu del personaxe mirando a mandrecha y llindiáu pol so nome ASTÉRIX xunto cola abreviatura del país emisor RF, la lleenda LX ANS (60 años) y l’añu d’acuñación en númberos llatinos MMXIX (que tamién aparez sol bustu 2019). Tres la nuca, aparecen les marques identificatives de la ceca y el so mayestru. Llindia’l diseñu una corona lloréu y unes marques a semeyanza piedres (¿los menhires de Carnac?).

     Nel aniellu esterior, les doce estrelles de la Xunión europea.

     Fonte: Eurocoinland (castellán)

     Esti ye tamién un enlláz prestosu pa ver les monedes n'oru y plata de la colleición d'Astérix en numismaticavisual.