2019: IME (EMI)

Semeya: Eurocoin

Motivu conmemorativu: 25 Aniversariu del Institutu Monetariu Européu

Volume d’emisión: 155.000         Fecha d’emisión: Xineru

     L’Institutu Monetariu Européu, IME (n’inglés EMI d’European Monetary Institute) foi creáu’l primeru de xineru de 1994 dientro de la segunda fase de la formación de la Xunión Monetaria Europea (UME en castellán; EMU n’inglés) y furruló hasta 1998. En xeneral. Los sos obxetivos foron fortalecer les polítiques monetaries europees pa garantizar la estabilidá de los precios, algamar una moneda única y el desarrollu  del futuru Bancu Central Européu (BCE). El so primer Presidente foi’l belga Alexandre Lamfalussy. Col nacimientu del BCE el primeru de xunu de 1998, l’IME desapareció, pasando tolos sos activos y pasivos al nuevu bancu.

     Nel intre aparez el retratu d’Alexandre Lamfalussy (A. Lamfalussy na moneda) xuntu al añu de la creación del Institutu 1994 y les iniciales del mesmu n’inglés EMI (desglosao na mesma moneda, European Monetary Institute); al llau vense unes fiches asemeyando monedes que fain referencia al cambiu de la vieya moneda nacional, el francu belga (abreviao BEF) a la nueva moneda europea nomada primero ECU y lluéu EURO (col so logu €). A manzorga aparecen les marques de la ceca d’Utrech (Países Baxos) y la del direutor de la ceca de Bruseles; y a mandrecha les iniciales del país emisor BE xuntu al añu emisión 2019. Tres la llombera aparecen les iniciales del diseñador Lux Luycx, LL.

     Nel aniellu esterior, les doce estrelles de la Xunión europea.

     Fontes: Wikipedia. Instituto Monetario Europeo (castellán).

                   Numismática Visual (castellán)