2018: Patrimoniu Cultural maltés

Semeya: Eurocoinland

Motivu conmemorativu: Patrimoniu Cultural maltés

Tirada: 320.000           Fecha d’emisión: payares

     Siguiendo un pocuñín la estela de les sos acuñaciones dedicaes al so Patrimoniu de la Humanidá, Malta sacó esta moneda dedicada al so patrimoniu cultural en xeneral. Y siguiendo la idega de la so otra mini colleición los neños y la solidaridá, apostó porque’l diseñu fuere realizáu por un escolín. El resultáu foi un amestáu patrimonial bien certeru, nel que puen vese reflexaos los sos templos prehistóricos (que son les estructures independientes más vieyes del mundu), una ilesia col so campanariu xebráu d’ella (al estilu venecianu) y que ye daqué típico nos perfiles de pueblos y ciudades del país, y una barca tradicional maltesa cola bandera nacional izada.

     Nel intre, lo camentao enantes, los restos prehistóricos a mou de dolmen faciendo de llende a la ilesia y el campanariu grabaos nun pisu superior, y la barca maltesa abanderada nel pisu inferior. No cimero aparez el nome del país emisor Malta y no baxo, l’añu d’acuñación 2018.

     Nel aniellu esterior les doce estrelles de la Xunión europea.