Motivu conmemorativu: Creación de les tres Repúbliques
Báltiques. Lituania
Volume d’emisión:
1.000.000 Fecha
d’emisión: Xineru
1918 foi l’añu nel que Estonia, Letonia y
Lituania algamaron la so independencia del antanu Imperiu Rusu, al que
pertenecíen dende’l sieglu XVIII tres la so anexón por parte del zar Pedru I,
de nomatu El Grande. Bono, realmente
finaron independizándose d’Alemaña, ya que nel casu de Lituania, ésta foi
ocupada polos xermanos en 1915, en plena I Guerra Mundial y, nel casu de les
otres dos repúbliques, pasaron a poder xermanu cedíes pol tratáu Brest-Litovsk,
robláu en 1918 ente Alemaña y la nueva Rusia Soviética y que ponía fin a la
guerra nel frente oriental.
De magar que coinciden nel añu, nun
coinciden nin en fecha nin en circunstancia. Nel casu lituanu, la so
independencia la declara’l 16 de febreru y tovía coles tropes alemanes nel so
territoriu. Tres un intentu fallíu de les tropes ruses de recuperar el tarrén,
Lituania declárase democracia Parllamentaria reflexándolo asina na Constitución
de 1922.
Pa conmemorar esti fechu, les tres
repúbliques decidieron sacar una moneda conxunta, d’igual diseñu, pero
dixebraes poles marques propies de cada país; la ceca encargada d’acuñar pa los
tres países foi la de Kremnica, Lituania. El diseñu de la moneda foi aprobáu
polos tres Bancos Nacionales respeutivos, tres la escoyeta ente dellos diseños
a traviés de votación popular. El diseñu ganador ye obra del lituanu Justas
Petrulis.
Nel intre
la moneda aparez una trenza, o tueru entellazáu, de tres cañes que simboliza la
xuntanza histórica de les tres repúbliques. No cimero aparecen los sos
respeutivos escudos (según les aguyes del reló, Lituania, Letonia y Estonia). A
manzorga, el nome del país emisor LIETUVA xunto cola marca de la ceca de
Kremnica y a mandrecha, la marca del
diseñador JP y l’añu emisión 2018.
Nel aniellu
esterior, les doce estrelles de la Xunión europea.
Fontes: Verne. El País (castellán)
No hay comentarios:
Publicar un comentario