 |
| Semeya: Eurocoinland |
Motivu conmemorativu: Estáu de Berlin
Volume d’emisión:
30.000.000 pieces Fecha
d’emisión: 30 xineru
Berlín, aparte de capital d’Alemaña,ye tamién ún de los dieciséis estaos
federales alemanes. Asitiase al noreste del país y ta arrodiáu pol Estáu de Brandeburgu.
La so capitalidá ye indiscutible, siéndolo del rinu prusianu, de la República
de Weimar, del tercer Reich y de la República Democrática Alemana tres la
dixebra del país cola nomada Guerra Fría (La
parte occidental, la República Federal Alemana, asitió la so capital en Bonn).
Tres la rexuntanza del país, Berlín recuperó’l so drechu de capital nacional.
El Schloss Charlottenburg
(Palaciu de Xarlotenburgu) alcuéntrase nel barriu Charlottenberg-Wilmersdorf de
Berlín. Pertenez a la institución de castiellos prusianos y xardinos de Berlín
y Brandeburgu. El castiellu foi llevantáu
ente 1695 y 1699 pol arquiteutu Johann Arnold Nering, y por encargu de Sofía
Carlota de Hannover, esposa del príncipe Federicu III, Margrave ellector de
Brandeburgu (futuru Federicu I de Prusia). L’edificiu, d’estilu barrocu, foi
nomáu inicialmente Lietzenburgu, pero camudo’l nome tres la muerte de la so
promotora. Tres la Segunda Guerra Mundial,
foi llevantáu y restauráu de nuevu pa emplegase como muséu.
Nel intre la moneda vese la
fachada principal del palaciu. So elli aparez el nome del länder BERLIN y la
lletra identificativa del país emisor D. Allendando la cúpula aparecen l’añu
acuñación 2018 a manzorga y la marca de la ceca a mandrecha. Na columna de la
estatua izquierda de la entrada aparecen les iniciales del diseñador Bodo
Broschat.
Nel aniellu
esterior, les doce estrelles de la Xunión europea.
Fontes: Wikipedia: Berlín
Palaciu de Xarlotenburgu (Castellán)
No hay comentarios:
Publicar un comentario