2018: Satélite ESRO 2B

Semeya: Eurocoinland

Motivu conmemorativu: 50 Aniversariu del Satélite ESRO 2B

Volume d’emisión: 260.000         Fecha d’emisión: 19 setiembre

     El 17 mayu de 1968 un cohete Scout B llanzáu dende la Base aérea de Vandenberg (USA) ponía n’órbita el ESRO 2B. Foi’l primer satélite de la Organización Europea pa la Investigación Espacial (European Space Research Organization, ESRO), precursora de la ESA, n’entrar n’órbita, ya que’l ESRO 2A, llanzáu’l 30 mayu del añu anterior, nun lo consiguió por un fallu na tercer etapa del llanzador. Tamién conocíu como IRIS (International Radiation Investigation Satellite, Satélite Internacional d’Investigación de la Radiación), yera, dafechu, una semeya del primeru. El 10 de payares d’esti mesmu añu, un fallu nel grabador de datos frayó l’esperimentu, ya que dende la Tierra solo podíen lleer los datos recoyíos en tiempu real pol satélite mentantu qu’ésti toviere en contautu direutu coles estaciones de seguimientu.

     La so reentrada na atmósfera produciose l’8 mayu de 1971.

     Nel intre aparez el satélite orbitando alredor la Tierra. Riba lleese’l so nome ESRO 2B y los años de la conmemoración 1968 y 2018 (añu tamién de l’acuñación). Sol satélite lleese’l so nomatu IRIS. Abaxo, les iniciales del país emisor BE allendáu poles marques de la ceca d’Utrech (Países Baxos) a mandrecha y la del direutor de la ceca de Bruseles a manzorga. Baxo ‘l globu terráqueu aparecen les iniciales del diseñador Lux Luycx, LL.

     Nel aniellu esterior, les doce estrelles de la Xunión europea.

     Fontes: "50 años del primer lanzamiento con éxito de un satélite de la futura 
                     ESA". microsiervos.com (castellán)
                   
                    Wikipedia: ESRO 2B (gallegu)