Conceyu de Trebujena

     Trebujena ye un conceyu asitiáu na provincia de Cádiz. Conocíu ya dende tiempos remotos, pasó a la historia pola so identidá marcadamente republicana, lo que fexo que durante la Guerra Civil ufriera unes represiones descomanaes. A pesar de tener viñedos y facer vinos, la so principal fonte llaboral ye del tipu sanitariu, gracies al llabor fechu pola Cruz Bermeya a traviés de cursos formativos pala población.

     Dalgún llistu inventose n’esti conceyu una ceca onde, supuestamente, s’acuñó durante la guerra Civil numerariu de necesidá. De nueu nos atopamos con esa “moda” de los años 70 d’intentar colar monedes falses a colleicionistes interesaos n’esta estaya de la nuesa historia. Nel llibru “1936-1939, la moneda de necesidad en la provincia de Sevilla” de Luis Barrera Coronado, la serie de monedes de Trebujena aparez como imaxinaria, esto ye, inventada. A pesar d’aparecer moneda fraccionada pal usu cotidianu, atopa l’autor un erru no que se refier al añu d’acuñación 1936, ya que ye bien lluéu pa l’aparición de numberariu metálicu, nacíu esti pa xuplir les fiches de cartón emplegaes como moneda.

     25 céntimos

     50 céntimos

     1 peseta

      L’anversu de la moneda aseméyase al de La Puebla de Cazalla, por eso del xugu y les fleches, asina como la llenda CURSO INTERIOR. Ye curioso que’l diseñador de la moneda nun supiera facer l’abreviatura de peseta (PTA), apareciendo nel so llugar PTS, más propio de pesetes. El reversu, onde l’escudu, ye una semeya de les acuñaciones de Lora del Río.

Comparativa d'anversos

Comparativa de reversos