2017: Universidá de Gent

Motivu conmemorativu: 200 Aniversariu de la Universidá de Gent

Tirada: 200.000               Fecha d’emisión: Setiembre

     La Universidá de Gante (Universiteit Gent, UGent) ye una de les tres más grandes universidaes flamenques. Foi fundada pol rei Guillermu I de los Países Baxos y abrió les sos puertes el 9 d’ochobre de 1817. Nel so primer añu, contó con 190 estudiantes y 16 profesores. Les cuatro facultaes orixinales yeren Humanidaes, Lleis, Medicina y Ciencia, y l’idioma d’instrucción yera’l llatín. El francés convirtiose nel idioma oficial de la Universidá tres la independencia de Bélxica; nun foi hasta 1930 cuando l’idioma oficial camudó al neerlandés, siendo la primera de toa Bélxica.

     Nel intre la moneda aparez el logu de la Universidá de Gens, allendáu poles feches 1817–2017 (añu de nacencia y añu del aniversariu, a la vez qu’añu d’emisión). Alredor del diseñu, la lleenda 200 JAAR UNIVERSITEIT GENT - 200 YEARS GHENT UNIVERSITY.  l’abreviatura del país emisor BE va alendada pola marca de la ceca y la del so direutor.

     Nel aniellu esterior les doce estrelles de la Xunión Europea.