2017: Serie Templos prehistóricos de Malta: Templos de Ħaġar Qim

Motivu conmemorativu: Templos de Ħaġar Qim

Tirada: 350.000              Fecha d’emisión: 27 de xunu

     Los templos de Ħaġar Qim en Qrendi, Malta, tienen dalgunos de los megalitos de piedra más grandes emplegaos na construcción de los templos prehistóricos nes islles malteses. El complexu de Hagar Qim tá conformáu por un templu principal y tres estructures megalítiques prósimes. El sitiu dátase ente los años 3,600-3,200 e.C. y ye ún de los más antiguos monumentos autónomos del mundu. Ħaġar Qim ye Patrimoniu de la Humanidá dende 1992.

     Nel intre la moneda aparez una panorámica de los templos prehistóricos de Ħaġar Qim. No cimero lléese la lleenda, en tres renglones, ĦAĠAR QIM TEMPLES 3600-3200 BC. Na parte baxo a manzorga, el nome del país emisor MALTA y l’añu d’acuñación 2017. A mandrecha, ente la base la construcción, aparecen les iniciales del grabador Noel Galea Bason (NGB)

     Nel aniellu esterior les doce estrelles de la Xunión Europea.