2016: Xuegos de Rio

Motivu conmemorativu: Presencia de Portugal nos Xuegos Olímpicos de Rio de Janeiro (Brasil)

Tirada: 680.000               Fecha d’emisión: 3 de mayu

     Portugal, nos Xuegos Olímpicos, tá representáu pol Comité Olímpicu de Portugal, miembru del Comité Olímpico Internacional dende l’añu 1909. La so primer participación data del añu 1912 nes olimpiaes d’Estocolmu.

     Nel intre la moneda aparez una representación de la obra Corazón de Viana, obra de l’artista Joanna Vasconcelos ya inspirada na xoyería tradicional del norte de Portugal (alredor de la ciudá de Viana do Castelo). Quier simbolizar el sofitu del pueblu portugués al equipu nacional con ocasión de les olimpiaes de Rio. A dambos dos llaos del corazón, faciendo una semicircunferencia, aparecen el nome de l’artista JOANA VASCONCELOS y la lleenda EQUIPA OLÍMPICA DE PORTUGAL 2016 (esti ye l’añu d’emisión). Abaxo, vese’l logu olímpicu de Portugal y la marca de la ceca de Lisboa INCM.

     Nel aniellu esterior les doce estrelles de la Xunión europea.