2016: Serie Patrimoniu de la Humanidá

Motivu conmemorativu: Ciudá vieya de Segovia y el so acueductu

Tirada: 8.000.000              Fecha d’emisión: 1^u de febreru

     L’acueductu romanu de Segovia data del entamu del sieglu II d. X. siendo emperador Traxanu. El so tramu más conocíu ye’l que pasa pela plaza del Azogueḥo, na ciudá vieya, qu’amás ye onde atopamos el mayor altor de la canal, con 28 metros (aparte d’otros 6 metros de cimientos) y dos fileres d’arcos sobre pilancos. El númberu d’arcos total ye de 167 y la so llongura ye de 818 metros. Recueye l’agua del manantial de Fuenfría, nel paraxe de La Acebeda, a 17 kilómetros de la ciudá. Foi declaráu, xunto col cascu vieyu de la ciudá, Patrimoniu de la Humanidá pola UNESCO en 1985.

     Nel intre la moneda aparez una vista del acueductu de Segovia dende la plaza. No cimero del diseñu aparez el nome del país emisor ESPAÑA xunto la marca la ceca de Madrid y l’añu d’emisión 2016.

     Nel aniellu esterior les doce estrelles de la Xunión Europea.