2016: Neños Desaparecios

Motivu conmemorativu: 25 de mayu Día Internacional de los Neños Desaparecios

Tirada: 1.020.000               Fecha d’emisión: mayu

     Cada dos minutos desaparez un neñu na Xunión. Les principales causes son la fuxida de casa y el secuestru parental y, en menor grau, desapariciones de menores non acompañaos y secuestru por terceres persones. La idega na Xunión ye la de fortalecer les comunicaciones ente estaos miembros pa crear un sistema d’alarma conxunta y poder actuar con rapidez en cualisquier llugar d’Europa. Esiste un númberu de teléfonu d’emerxencies européu: 116 000.

     La fecha del 25 de mayu como Día de los Neños Desapareciós foi instaurada pol presidente de los EE. XX. Ronald Reagan; nos años 80, el númberu de neños desaparecios nel so país yera descomanáu (un neñu cada 40 segundos). Pasó a ser Internacional a partir de 1986, cuando Canadá, Méxicu y dellos países sofiten la conmemoración. La idega del eventu ye concienciar a la población y sofitar a les families afeutaes.

     Nel intre la moneda aparez la cara d’un neñu arrodiáu pol nome del país emisor nes sos tres llingües oficiales BELGIQUE•BELGIË•BELGIEN y l’añu d’emisión 2016, too ello allendao pola marca de la ceca de Bruseles y la del so direutor. Sigue la lleenda MISSING-DISPARU-VERMIST (desaparecíu, n’inglés, francés y holandés) y una páxina web: WWW.CHILDFOCUS.BE.

     Nel aniellu esterior les doce estrelles de la Xunión europea.