2013: Pinturicchio

Motivu conmemorativu: V Centenariu de la muerte de Pinturicchio

Tirada: 110.000                Fecha d’emisión: 13 setiembre

     Bernardino di Betto di Biagio (1454-1513), conocíu col nomatu de Pinturicchio (Pintorín) pola so baxa estatura y col que robló delles de les sos obres. Foi un pintor italianu del Renacimientu capaz de dominar tanto l’arte de la pintura sobre madera, como’l frescu y la miniatura, trabayando pa dalgunes de les personalidaes más importantes de la so época. El so estilu amesta elementos d’innovación y tradición gótica, renacentista ya inspiración flamenca. Foi ún de los grandes mayestros d’escuela umbra del Quattrocento, con Pietro Perugino y el xoven Rafael.

     Nel intre la moneda reproduzse un detalle de la pintura Disputa de Xesús colos Doctores de la Capiella Baglioni na Ilesia de Sta. Maria Maggiore en Spello. Na parte superior, les feches 1513-2013 (ésta últimaye l’añu d’acuñación); alredor del grabáu lleese’l nomatu’l pintor y el nome del país emisor: PINTURICCHIO SAN MARINO. La marca la ceca de Roma, R, aparez a manzorga del motivu central, y l’apellíu de la diseñadora MOMONI, baxo les figures.

     Nel aniellu esterior, les doce estrelles de la Xunión europea.