2015: Timor Portugués

Motivu conmemorativu: 500 Años del Timor portugués

Tirada: 520.000               Fecha d’emisión: 15 xunetu

     La República Democrática de Timor Oriental ye un país del Sudeste Asiáticu. El so territoriu estiéndese pela mitá oriental de la islla de Timor, les islles de Atauro y Jaco y l’enclave de Oecussi-Ambeno, dientro ya del Timor Occidental indonesiu. Foi colonizáu por Portugal allá pel sieglu XVI, conciéndose pol nome de Timor portugués. Algamó la so independencia en 1975, pero al añu siguiente foi invadida por Indonesia, pasando a ser la so provincia númberu 27. En 1999, la ONX patrocinó un actu d’autodeterminación que provocó la salida de los invasores indonesios. El 20 de mayu del 2002, Timor Oriental conviértese nel primer estáu soberanu del sieglu XXI.

     Nel intre la moneda aparez una carabela del sieglu XVI, como síbolu identificativu de l’arribada portuguesa a la islla, y el teyáu típicu d’una casa del llugar coles sos escultures de representaciones mitolóxiques y lleendes en madera (n’esti casu, trátase de l’arribada de los sos primeros habitantes y de la importación de caballos pa poder circular poles abruptes montañes del país). Riba a mandrecha, aparez l’añu de l’arribada portuguesa 1515 y el nome del país emisor PORTUGAL. Baxo a manzorga, el nome del territoriu homenaxeáu TIMOR y l’añu d’emisión 2015. A dambos dos llaos del teyáu, aparecen la robla del artista Fernando Fonseca y la marca de la ceca de Lisboa INCM.

     Nel aniellu esterior les doce estrelles de la Xunión europea.