2012: Emisión común na XE

Motivu conmemorativu: 10^u Aniversariu de los billetes y monedes d’euru.

Tirada nos P. Baxos: 3.500.000           Fecha d’emisión: 13 de febreru

Tirada total na XE: 84.085.000.000

     El diseñu foi escoyíu polos ciudadanos de la Xunión Europea mediante votación per internet ente cinco diseños y ye creación de Helmut Andexlinger, de la Fábrica de Moneda d’Austria. La moneda emitiéronla tolos países de la zona euro más Sanmarín.

     Nel intre aparez el globu terráqueu col símbolu l’euru nel centru, dándo-y un protagonismu mundial algamáu n’estos diez años y la importancia d’elli pa la ciudadanía (representada por una familia de cuatro miembros), el mundiu les finances (la Eurotorre de Francfort de Meno), el comerciu (un barcu), la industria (una fábrica) y la enerxía, la investigación y el desarrollu (dos molinos eólicos). Les iniciales del artista hai que buscales ente el barcu y la eurotorre (AH). Alredor del diseñu, el nome del país emisor y los años de la conmemoración (el 2012 tamién ye’l d’emisión) NEDERLAND 2002-2012. A mandrecha puen vese les marques de la ceca d’Utrech y la del so direutor. Les lleis holandeses obliguen a introducir la efixe’l rei nes sos monedes, pero una enmienda aprobada pol Parllamentu fexo que se desimiera d’esta norma a les monedes conmemoratives comunes a tola euruzona.

     Nel aniellu esterior, les doce estrelles de la Xunión Europea

     Otros países emisores: Alemaña, Austria, Bélxica, Eslovaquia, Eslovenia, España, Estonia, Finlandia, Francia, Grecia, Irlanda/Eire, Italia, Luxemburgu, Malta, Portugal, Sanmarín y Xipre.