2015: Dante Alighieri

Motivu conmemorativu: 750^u Aniversariu del nacimientu de Dante Alighieri

Tirada: 3.500.000              Fecha d’emisión: 22 de xunetu

     Dante Alighieri (1265-1321) poeta italianu. La so obra mayestra, la Divina comedia, ye una de les obres fundamentales de la transición del pensamientu medieval al renacentista. Tá considerada la obra mayestra de la lliteratura italiana y una de les de la lliteratura universal. En italia yera conocíu pol nomatu il Sommo Poeta (el Poeta Supremu). Dante tá consideráu tamién como’l pá del idioma italianu, nomáu volgare n’aquella época). La so primer biografía foi escrita por Giovanni Boccaccio (1313–1375), nel Trattatello in laude di Dante.

     Nel intre la moneda aparez un grabáu de Dante con un llibru abierto na mano izquierda y la montaña del purgatoriu como fondu, sacáu d’una illustración de la Divina Comedia pintada por Domenico di Michelino (1417-1491) na cúpula de la ilesia de Santa María del Fiore de Florencia. Allendando la tiesta Dante, el monograma de la República Italiana y la marca de la ceca de Roma. Sol monte, les sigles SP de la diseñadora Silvia Petrassi, y los años del aniversariu 1265 y 2015 (ésti últimu ye tamién l’añu acuñación). Alredor del diseñu, el nome del conmemoráu DANTE ALIGHIERI.

     Nel aniellu esterior les doce estrelles de la Xunión Europea.