Motivu conmemorativu: Bimilenariu de la fundación de la
ciudá d’Emona
Tirada: 1.000.000 Fecha
d’emisión: xineru
No cabero del sieglu I e.C. Los romanos
fincaron un campamentu militar p’asitiar a la Legio XV Apollinaris no que güei ye la ciudá de Ljubljana. Más tarde
pasó a ser un asentamientu permanente, col nome de Colonia Iulia Aemona. Llegó a tener unos 5.000 o 6.000 vecinos y
el so declive foi pareyu al del Imperiu romanu. El so esbarrumbe entamó cola so
destrucción por parte, primero, de los hunos d’Atila y lluéu, por ostrogodos y
lombardos.
El diseñu la
moneda ye de Matej Ramšak, finalista del concursu realizáu al efeutu. Más abaxo
puen vese los otros diseños finalistes.
Nel intre
la moneda vese una configuración de
lletres que faen la palabra EMONA (o AEMONA). Los cuadrinos son una
representación del planu’l campamentu militar primixenu. Alredor del diseñu, la
lleenda EMONA LJUBLJANA SLOVENIJA 2016.
Nel aniellu
esterior les doce estrelles de la Xunión Europea.
El Bancu d’Eslovenia convocó un concursu
públicu y anónimu pal diseñu d’esta moneda. Los finalistes foron escoyíos por
una comisión creada ente’l Bancu y el Ministeriu Facienda. Equí tan los otros
dos finalistes:
El terceru
foi pa un diseñu de Andrej Demšar:
No hay comentarios:
Publicar un comentario