2013: Serie Patrimoniu de la Humanidá

Motivu conmemorativu: Monasteriu del Escorial

Tirada: 8.000.000              Fecha d’emisión: febreru

     Nomáu tamién Monasteriu de San Lorenzo El Real, o, cenciellamente, El Escorial, ye un complexu de palaciu, basílica y monasteriu. El palaciu foi residencia de la Familia Real Española, la basílica ye llugar de sepultura de los reis y el monasteriu, fundáu por monxos xerónimos, tá ocupáu anguañu por frailes de la Orde de San Agustín. Ye un edificiu de tipu renacentista, singular dientro y fora d’España. Felipe II foi el so promotor y el so primer arquiteutu Juan Bautista de Toledo, anque posteriormente intervinieron Juan de Herrera, Juan de Minjares, Giovanni Battista Castello El Bergamasco y Francisco de Mora. Ocupa una superficie de 33.327 m², sobre la fastera meridional del monte Abantos, a 1028 m. d’altitú, na Sierra Guadarrama (Madrid). Tá xestionáu por Patrimoniu Nacional.

     Nel intre la moneda aparez  una imaxe del monasteriu. Pela parte superior, el nome del país emisor ESPAÑA y l’añu d’emisión 2013 xunto la marca la ceca de Madrid.

     Nel aniellu esterior les doce estrelles de la Xunión Europea.