L’añu que va impresu nes monedes finlandeses ye l’añu
acuñación, poro, les primeres monedes foron acuñaes nel 1999. La Ceca ye la de Helsinki-Vantaa (Rahapaja Oy Mint);
la so marca nun s’entamó a grabar nes monedes hasta la primer igua de 2007; la M qu’apaez grabada (y que foi
sustituyía pola de la ceca dende esi añu) ye la marca del direutor de la mesma,
Raimo Makkonen.
Finlandia (República). Primer serie (1999- 2006)
Les monedes finlandeses lleven un diseñu únicu pa los céntimos, mientres que los euros lleven ca ún el suyu. Foron acuñaes pola Rahapaja Oy mint, ceca del estáu, asitiada en Vantaa, Helsinki, pero nun lleven la so marca; lleva, ensin embargu, la marca del so direutor, una M. L’añu grabáu ye’l d’acuñación. Nun apaez identificación nenguna del país emisor, salvo nel cantu de la moneda de 2 euros, polo que nun cumple con ún de los requisitos de la XE.
1, 2, 5, 10, 20, y 50 céntimos
Les monedes representen un llión
heráldicu, reproducción d’una obra del escultor Heikki Häiväoja. Ye un
motivu mui recurrente nel acuñamientu de monedes finlandeses a lo llargo de los
años, por exemplu, na moneda d’1 marcu finés d’ente 1964 y 2001. Lleven grabáu
l’añu d’acuñación y la marca del direutor de ceca, too ello arrodiao de les 12
estrelles la Xunión.
Les monedes d’1 y 2 céntimos acúñense solo
pa colleicionistes, ya que nun s’emplegen na práutica (Filandia decidió
arredondiar los precios nos céntimos, finando asina en 5 ó 0); dafechu,
Finlandia defende’l desaniciu d’estes dos monedes.
1 y 2 euros
La moneda d’1€ recueye l’esnalar d’una pareya de cisnes (el cisne cantor ye l’ave
nacional finés) obra del artista Pertti Mäkinen. Esti motivu foi presentáu nun
concursu convocáu pal diseñu d’una moneda conmemorativa del 80 aniversariu de
la independencia de Finlandia. Lleva
grabáu l’añu d´acuñación y la marca del direutor de ceca, too ello arrodiao de
les12 estrelles la Xunión.
La moneda de 2€ muestra la flor y frutu del rubus chameromus (mora los pantanos) diseñu de
Raimo Heino. Lleva grabáu l’añu d’acuñación
y la marca del direutor de ceca, too ello arrodiao de les12 estrelles la
Xunión.
Nel cantu la moneda 2 euros aparez el nome del país nes dos llingües oficiales (finés y suecu) xunto a 3 lliones (sigún ellos):
Primer igua (2007)
Finlandia fai un
par de retoques na so cara nacional p’amoldase a les direutrices de la Xunión, poro,
inclúi nes monedes l’abreviatura del nome del país, FI. Tamién sustitúi la marca’l direutor de la ceca finesa pola
marca de la ceca en sí (una Cornucopia o Cuernu la bayura con cuatro monedes).
Estos retoques
apaecen nes monedes acuñaes a partir de xineru del 2007. Dao que los diseños
orixinales nun camuden, nun se la considera una nueva serie, sinon una igua, ya
que los motivos representaos nun cambien, solo la situación na moneda.
Segunda igua (2008)
Nel añu 2008 Finlandia tuvo de facer un
segundu retoque ya que nel aniellu esterior solo puen apaecer les 12
estrelles de la XE; poro, les monedes fineses tovieron qu’asitiar la marca la
ceca pal intre la moneda.
Cambiu de marca de ceca
A partir del 2010, la marca la ceca (la
cornucopia) ye xuplía pol llión finlandés.
Na primavera del 2025 la ceca finlandesa pieslla definitivamente y el Ministeriu de Finances robla un contratu cola Helsinki Mint, filial de la Koninklijke Nederlandse Munt (KNM) de los Países Baxos.
No hay comentarios:
Publicar un comentario