27/2/15

Mónacu (Principáu)

Enllaz: 2 euros conmemorativos monegascos


Primer Serie (2001-2005)

     Mónacu alcuéntrase llegalmente nuna xunión monetaria con Francia, polo que tién drechu a qu’esti país –y acuñe una cantidá determináo de monedes. Como nun tién ceca propia, ye la Monnaie de París la encargada de l’acuñacion d’euros monegascos na so fábrica de Pessac.

Ciudá del Vaticanu (Estáu Pontificiu)

Enllaz: 2 euros conmemorativos vaticanos


     El Vaticanu alcuéntrase llegalmente nuna xunión monetaria con Italia, polo que tién drechu a qu’esti país –y acuñe una cantidá determináo de monedes. Poro, si nun tienen ceca propia, tá nidio entós quién va encargase de les acuñaciones... Caro, la ceca de Roma.

26/2/15

Letonia (República)

Enllaz: 2 euros conmemorativos letones


Primer serie (2014- )

     A pesar d’entamar a circular nel 2014, Letonia ya tenía diseñáos los tipos de les sos monedes dende’l 2008.

Diseños del 2008

19/2/15

Estonia (República)

Enllaz: 2 euros conmemorativos estonios


Primer serie (2011- )

     Les monedes d’euro estonies muestren, aunque nun lo pareza, tres patrones distintos d’un diseñu xeneral pa les ochu monedes. El diseñu ye obra de Lembit Lõhmus nel que se ve un mapa d’Estonia coles isles de Saaremaa al sur y Hiiumaa al norte, aparte del llagu Võrts (n’estoniu Võrtsjärv) na mitá meridional del mapa, sol qu’aparez el nome del país como elementu identificador del emisor: EESTI (Estonia). L’añu d’emisión tá enriba’l mapa. Les 12 estrelles de la XE arodien el diseñu.

Malta (República)

Enllaz: 2 euros conmemorativos malteses


Primer serie (2008- )

     Malta escoyó los sos diseños por votación popular mediante’l teléfonu o los SMS. Tan solo los céntimos de cobre son obra dun diseñador, Noel Galea Bason (NGB nes monedes) el restu diseños son de dominiu públicu. L’esquema de los tipos ye’l típicu 2-3-3.

     Malta nun tién ceca propia, poro, el Bancu Central de Malta (Bank Ċentrali ta’ Malta) manda acuñar les sos monedes en Pessac (Francia); la so marca ye una F na estrella de les seis en puntu. La identificación del país ye’l so nome: MALTA. L’añu de la impronta ye’l d’emisión.

Eslovaquia (República)

Enllaz: 2 euros conmemorativos eslovacos


Primer serie (2009- )

     A pesar d’emitir euros propios a partir del primeru de xineru del 2009, los diseños de les monedes ya se fixeren públicos en 2005 siguiendo’l clásicu esquema 2-3-3. La ceca eslovaca tá asitiada en Kremnica (Mincovňa Kremnica)

     Eslovaquia escoyó (por votación popular) pa les sos cares nacionales los sos másimos símbolos: el cumal más guapu del país (que non el más altu), el castiellu real y la cruz del escudu nacional. Cada tipu lleva grabáes les siegles de los diseñaores, aparte de la de la ceca.

13/2/15

Xipre (República)

Enllaz: 2 euros conmemorativos xipriotes


Primer serie (2008- )

     L’artista grecuxipriota Tatiána Sotirópoulos (Τατιάνα Σωτηρόπουλος), en collaboración col estadounidense Erik Maell, foron los encargaos de diseñar los tipos de los euros de Xipre nel típicu  esquema 2-3-3.

     Xipre nun tién ceca propia, poro, de l’acuñación encárgase la de Vantaa (Finlandia); nes monedes nun vién ninguna identificación. Sí vién comu identificador del país el so nome en griegu y en turcu: KYΠPOΣ – KIBRIS. La fecha de la impronta ye la d’emisión, poro, les primeres monedes daten del 2008.

Eslovenia (República)

Enllaz: 2 euros conmemorativos eslovenos


Primer serie (2007- )

     Eslovenia foi el primer país, tres l’ampliación del 2010, n’aceutar la nueva moneda europea. Les monedes eslovenes, aparte de tener la so propia cara nacional, diben  aplicar los nuevos cambios de la cara común aprovaos pol BCE pal añu 2008. Les primeres monedes aparecen col añu 2007 grabáu na impronta, poro, trátase del añu d’emisión.

10/2/15

Portugal (República)

Enllaz: 2 euros conmemorativos portugueses


Primer serie (2002- )

      N’esti país escoyéronse tres diseños diferentes pa la cara nacional del euru ente les opciones presentáes nun concursu d’ámbitu nacional. El ganador foi’l diseñador Vítor Manuel Fernandes dos Santos (VS na moneda), quien s’inspiró en símbolos tomaos de la historia portuguesa y nos sellos del primer rei, Don Alfonso Henriques. La marca la Ceca de Lisboa (Imprensa Nacional – Casa de Moeda) vién impresa na moneda coles sigles INCM. L’añu que vién na impronta ye’l d’emisión, poro, les primeres monedes son del añu 2002. L’esquema de los tipos ye’l típicu 2-3-3.

Paises Baxos (Reinu)

Enllaz: 2 euros conmemorativos neerlandeses


Primer serie (1999- 2013)

     Les cares nacionales de les monedes de los Países Baxos, por llei, han de mostrar siempre la efixe del xefe l’estáu col so nome y el títulu Koning/Koningin (rei/reina) der Nederlanden (de los neerlandeses) que-y sirve tamién como identificador nacional. Pa los euros neerlandeses, Bruno Ninaber van Eyben diseñó dos imáxenes distintes de la reina Beatriz.

6/2/15

Luxemburgu (Gran Ducáu)

Enllaz: 2 euros conmemorativos luxemburgueses


Primer serie (2002- )

Yvette Gastauer-Claire recibió l’encargu de diseñar les monedes tres un alcuerdu ente la casa ducal reinante y el gobiernu de Luxemburgu. La so marca privada vién grabada nos tipos (GC). Toles monedes de Luxemburgu, por llei, han d’acuñase cola efixe de so Alteza Real el gran duque (n’esti casu, Henri I), ya inclúin l’añu d’emisión (poro, les primeres monedes son del 2002) y el nome’l país escritu en luxemburgués (Lëtzebuerg). 

Italia (República)

Enllaz: 2 euros conmemorativos italianos

Primer serie (2002- )

     N’Italia el diseñu de la cara nacional de les monedes foi sometíu al escrutiniu d’una comisión téunica y artística enantes de que se presentare a la nación na RAI UNO, la mayor cadena de televisión del país. La rica Italia escoyó un diseñu pa cada moneda, faciendu asina una mini colleición dedicada a l’arquitectura, les artes plástiques y personaxes relevantes. L’añu grabáu ye’l d’emisión, poro, la primer tirada ye del 2002. 

Irlanda (República)

Enllaz: 2 euros conmemorativos irlandeses


Primer serie (1999- )

     N’Eire el gobiernu escoyó una única cara nacional pa toles monedes. El diseñu, obra de Jarlath Hayes, representa l’Arpa Céltica, ún de los símbolos tradicionales d’Irlanda. L’artista basose na representación del Arpa de Brian Boru (Altu Rei d’Irlanda), asitiada nel Trinity College de Dublín. La mesma arpa ye símbolu oficial del Estáu irlandés, el Gran Sellu d’Irlanda. La identificación del país emisor ye’l so nome en gaélicu (llingua oficial d’irlanda): éire. L’añu grabáu ye’l d’acuñación, poro, les primeres monedes daten del1999. Alredor del diseñu, les 12 estrelles de la XE. Nun lleva marca de la ceca (Banc Ceannais na hÉireann, Bancu Central d’Irlanda), que  tá en Sandyford (Dublin), nin del direutor de la mesma, nin del diseñador.

Grecia (República)

Enllaz: 2 euros conmemorativos griegos

Primer serie (2002- )

    El ministru d’Economía y Facienda y el gobernador del Bancu de Grecia (Τράπεζατης Ελλάδος)  escoyeron los diseños, pa la cara nacional de les monedes n’euros correspondientes a esti país, d’ente varies propuestes presentáes por una comisión téunica y artística. 

     El diseñador de los motivos ganadores, ún pa cada denominación, foi l´escultor Georges Stamatopoulos (Γεώργιος Σταματόπουλος) na moneda vienen grabáes les sos iniciales (ΓΣ) , que recibió el patrociniu del Bancu de Grecia. Los diseños conformen una minicolleición inspirada en personaxes históricos, la vida mariñana y, como non, na mitoloxía clásica.

     Grecia entró nel club del euru dos años más tarde que los otros once, nel 2001, poro, tuvo que pidir sofitu a dellos países europeos pa poder acuñar la gran bayura monedes que necesitaba pa poneles en circulación el primeru de xineru del 2002. El sofitu víno-y de les Cases de la Moneda dEspaña, Francia y Finlandia, aparte de la suya, que tá asitiada en Halandri (Atenes).

3/2/15

Francia (República)

Enllaz: 2 euros conmemorativos franceses

Primer serie (1999- 2022) 

     Más de 1.200 diseños tuvo qu’esaminar una comisión d’espertos formada por numismáticos, artistes, diputaos, parlamentarios, representantes d’asociaciones profesionales, asina como personaxes destacaos como Christine Scrivener, ex-miembru de la Comisión Europea; Emmanuel Constans,  direutor de la Fábrica de la Moneda de París; Pierre Rodier, grabador xeneral, o l’actriz Irène Jacob, y como presidente de la mesma, el Ministru d’Economía y Facienda. 


2/2/15

Finlandia (República)

Enllaz: 2 euros conmemorativos finlandeses


     L’añu que va impresu nes monedes finlandeses ye l’añu acuñación, poro, les primeres monedes foron acuñáes nel 1999. La Ceca ye la de Helsinki-Vantaa (Rahapaja Oy Mint); la so marca nun s’entamó a grabar nes monedes hasta la primer igua de 2007, la M qu’aparez grabada (y que foi sustituyía pola de la ceca dende esi añu) ye la marca del direutor de la mesma, Raimo Makkonen.